Тәуелсіздік - тірегім

Тәуелсіздік  -  тірегім

Тәуелсіздік  - тарихтың біздің  ұрпаққа 

берген,  тағдырдың қазаққа  берген

  басты бақыты,  баға  жетпес дәулеті.

Н.Ә. Назарбаев

        «Тәуелсіздік  - расында  керемет  сөз, киелі де,  қастерлі ұғым» - деп,   түсінемін.  Өйткені тарихтың  парақтарын  санамалап көз  жүгіртер  болсаңыз, осы  бір  сөздің қасиетті  демеске  шараңыз жоқ.  

         Тауқыметті  соншама көп  кешкен, тағдыры аянышты, езіліп-егілген  жабығып  жапа шеккен, тарығып-зарыққан  халық. Сондай  сұмдықтардың  кесірінен қазақ  кезінде  атамекенін тастап,  тоз-тоз  болып 

бас  сауғалауға да  мәжбүр болды. Бүгінде  күл-талқаны  шығып, быт-шыт  болып  қираған 

өндіріс  ошақтары  қайта тірілді,  жаңа арнаға  түсті. Ел есін  жиды, етегін  жапты, еңсесін   көтерді. Халықтың  көңілі орнығып,  жаңа  заманның кәсіп-тіршілігіне   көшті. Ұлы  далада  шым-шытырық, 

қым-қиғаш,  астасқан  алуан  заманның   ел  басынан өткені  де,  талай  қилы  дәурен  сүргені бүгінде  тарих  болып қала  бермек.

          14.12.2017 жылы Сандықтау  ауданы, Каменка  ауылындағы, №2 Агротехникалық  колледжі 

коммуналдық  мемлекеттік  мекемесінде 16-желтоқсан   Қазақстан  Республикасының   Тәуелсіздігі 

мерекесіне   арналған  «Тәуелсіздік  -  тірегім»  тақырыбында мерекелік  іс  шараны қазақ тілі мен әдебиеті 

пәнінің  оқытушысы  Г.А.Есболова өткізді.

        ҚР Мемлекеттік  әнұранынан  бастау алған іс  шара  барысында студент  жастар егеменді  еліміздің 

Тәуелсіздігіне  арналған  әсем әндер  мен  түрлі ұлт  өкілдерінің  билерін билеп,  өз  өнерлерін 

ортаға  салды.

       Мерекелік  шараның мақсаты – студент  жастардың  бойындағы Отансүйгіш  қабілетін  арттыра 

білу, ана  тілімізге, өзін,  өзгені  құрметтей  білуге  үйрету, эстетикалық  сезімдерін  ояту.

        Шара барысын  қазақ  және орыс  тілдерінде  колледждің 1- курс  студенттері Арабаджи  Артем 

және  Шарип  Аяулым екі  тілде  жүргізді. Сондай-ақ, Куприянова  Надежда, Гембух  Елена, Ситников  Дмитрий, Исаченко  Анна, Шерстяк Карина, Козер  Анжела, Кривошеева Александра, Васильева  Татьяна,

Шәріп  Динара, Тожмаматов Илья  сынды студенттер  шараға  бар  күш-жігерлерімен  белсене  атсалысты.

        Мерекелік  кеш соңында,  колледждің  қоғамдық өміріне  белсене  атсалысып жүрген  және  оқуда 

озат  бірнеше  жастарды колледж  директоры  М.Ж.Досымбеков  Қазақстан Республикасының  Тәуелсіздігі  күні мерексімен  құттықтап,  арнайы алғыс хаттар  мен  бағалы сыйлықтарды  тарту  етті.